جے یو آئی بجٹ سے مطمئن نہیں، حکومت گذشتہ بجٹ کے اہداف حاصل نہیں کرسکی،مولانا فضل الرحمن

جے یو آئی بجٹ سے مطمئن نہیں، حکومت گذشتہ بجٹ کے اہداف حاصل نہیں کرسکی،مولانا فضل الرحمن

 

ملتان(سی ایم لنکس)جمعیت علمائے اسلام ف کے سربراہ مولانا فضل الرحمان کا کہنا ہے کہ پارلیمنٹ میں ہنگامہ آرائی پارلیمنٹ کی نفی ہے۔ ان کا کہنا تھا کہ ہمیں اپنے رویوں میں تبدیلی لانی چاہیے۔ ملتان میں قاسم العلوم میں ختم بخار ی کی تقریب کے بعد میڈیا سے گفت گو میں انہوں نے کہا کہ وہ بجٹ اجلاس کے دوران پارلیمنٹ میں ہونے والی ہنگامہ آرائی کا حصہ نہیں ہیں، عوام اپنے نمائندوں کی ہنگامہ آرائی پسند نہیں کرتے۔ مولانا فضل الرحمان کا کہنا تھا کہ جے یو آئی بجٹ سے مطمئن نہیں، حکومت گذشتہ بجٹ کے اہداف حاصل نہیں کرسکی۔ عوام شدید گرمی میں گھروں سے نکلے ہوئے ہیں ،ان کی زندگی اجیرن ہو گئی ہے۔ نیٹو سپلائی سے متعلق مولانا فضل الرحمن کا کہنا تھا کہ پارلیمنٹ کی سفارشات پر عمل درآمد کرنا چاہیے، سرائیکی صوبے میں شمولیت کا فیصلہ ڈیرہ اسماعیل خان کے عوام کرینگے۔