وزیر اعظم گیلانی اور فہمید مرزا کو توہین عدالت کا نوٹس جاری

وزیر اعظم گیلانی اور فہمید مرزا کو توہین عدالت کا نوٹس جاری

اسلام آباد(سی ایم لنکس)وزیر اعظم یوسف رضا گیلانی کو ایک بار پھر توہین عدالت میں اظہار وجوہ کا نوٹس جاری کردیا گیا۔ اس بار سپریم کورٹ نے اسپیکر قومی اسمبلی فہمیدہ مرزا کو بھی اظہار وجوہ کا نوٹس جاری کیا گیا ہے۔سپریم کورٹ میں اسپیکرقومی اسمبلی کی رولنگ کے خلاف درخواستوں کی سماعت ہوئی۔خواجہ آصف، حامد خان اور محمود اختر نقوی کی درخواستوں کی الگ الگ سماعت ہوئی۔چیف جسٹس نے خواجہ آصف سے اسفسار کیا کہ کیا کرپشن کے کیسز ختم ہو گئے ہیں کہ یہ کیس لے آئے ہیں۔خواجہ آصف کا کہنا تھا کہ یہ بھی ایک طرح کی کرپشن ہے۔حامد خان ایڈووکیٹ نے اپنی درخواست میں اسپیکر کی رولنگ کو کالعدم قرار دینے کا مطالبہ کیا۔ان کا کہنا تھا کہ اسپیکرعدالت کے فیصلے پراپنا فیصلہ نہیں دے سکتااور اسپیکرکی رولنگ میں غلط طورپرکہا گیا کہ فرد جرم میں عدالت کی تضحیک کا الزام شامل نہیں۔چیف جسٹس نے ریمارکس دیتے ہوئے کہا کہ وزیر اعظم نے سزا کے خلاف اپیل نہیں کی جس سے ظاہر ہوتا ہے کہ انہوں نے سزا قبول کرلی۔ درخواست گزارمحمود اختر نقوی نے سپریم کورٹ میں دائر درخواست میں موقف اختیار تھا کہ وزیر اعظم کو توہین عدالت کی سزا پر اسپیکر کی رولنگ توہین عدالت کے متردادف ہے اور وزیر اعظم یوسف رضا گیلانی کے سزا کے بعد اقدامات بھی توہین عدالت کے زمرے میں آتے ہیں۔چیف جسٹس افتخار محمد چوہدری کی سر براہی میں سپریم کورٹ کے تین رکنی بینچ نے ابتدائی دلائل سننے کے بعد سپیکر قومی اسمبلی اور وزیر اعظم گیلانی کو توہین عدالت میں اظہار وجوہ کے نوٹس جاری کر دیے ہیں۔