کراچی کی آگ پورے ملک میں پھیل سکتی ہے ،جاوید ہاشمی

کراچی کی آگ پورے ملک میں پھیل سکتی ہے ،جاوید ہاشمی

کراچی(سی ایم لنکس) پاکستان تحریک انصاف کے رہنماء جاوید ہاشمی کا کہنا ہے کہ کراچی کے حالات پر کنٹرول نہ کیا گیا تو یہ آگ پورے ملک میں پھیل جائیگی۔کراچی بار سے خطاب میں جاوید ہاشمی نے کہا کہ ملک میں وسائل موجود ہے لیکن انہیں استعمال کرنے کیلئے سسٹم موجود نہیں۔ سب کے سب پیسے بٹورنے میں لگے ہوئے ہیں۔ ان کا کہنا تھا کہ کراچی میں امن و امان کی خراب صورتحال پر قابو نہ پایا گیا تو یہ آگ پورے ملک میں پھیل جائیگی۔ اس سے پہلے کراچی بار کے صدر محمود الحسن نے کہا کہ دو دن پہلے چیف جسٹس نے وفاقی وزیرکے خلاف فیصلہ سنایا تھا۔ سازش کے تحت چیف جسٹس کے بیٹے کا اسکینڈل بنایا گیا۔محمود الحسن نے کہا کہ عدلیہ کے خلاف کوئی بھی سازش برداشت نہیں کی جائیگی۔