بجٹ ،حکومت اور اپوزیشن کا ملا جلا ردعمل

بجٹ ،حکومت اور اپوزیشن کا ملا جلا ردعمل

 

اہور : حکومت اور اپوزیشن رہنماوٴں نے نئے مالی سال کے بجٹ پر ملے جلے ردعمل کا اظہار کیا۔ بجٹ پر باقاعدہ بحث کا آغاز پیر کو کیا جاے گا۔ لاہور چیمبر آف کامرس نے مالی سال دو ہزار بارہ تیرہ کے بجٹ پر ملے جلے ردعمل کا اظہار کرتے ہوئے کہا کہ حکومت کی جانب سے بجلی کے بحران کے خاتمے کے لیے مختص کی گئی رقم سے واجبات بھی ادا نہیں ہوسکیں گی۔لاہو چیمبر آف کامرس کے صدر عرفان قیصر شیخ نے وفاقی بجٹ کے متعلق پریس کانفرنس سے خطاب کرتے ہوئے کہا کہ کمرشل انڈسٹیز کیلئے ود ہولڈنگ ٹیکس اور سیمنٹ کی قیمتوں میں کمی اور انکم ٹیکس میں چھوٹ سے بزنس اور انڈسٹریز کو فائدہ پہنچے گالیکن اصل مسئلہ بجلی کے بحران کا ہے۔جس کے لیے بہت کم بجٹ مختص کیا گیا ہے۔انہوں نے کہا کہ اسٹیل ملز اور پیپکو جیسے اداروں سے ملک کو ماہانہ چار ارب روپئے کا خسارہ ہوتا ہے،ان کی نجکاری کا اعلان کیا جاتا تو بہتر تھا۔عرفان قیصر شیخ کا کہنا تھا کہ بجلی کے بحران کے باعث رواں سال معیشت کو دو سو ستر ارب روپے کا نقصان پہنچا ہے۔