ن لیگ اور ہم خیال گروپ میں انتخابی اتحاد

ن لیگ اور ہم خیال گروپ میں انتخابی اتحاد

 لاہور(سی ایم لنکس) مسلم لیگ ن اور مسلم لیگ ہم خیال گروپ میں انتخابی اتحاد اور سیٹ ایڈجسٹمنٹ کا فارمولا طے پاگیا ہے۔ اس حوالے سے طے پائے گئے فارمولے پر ہمایوں اختر اور اقبال ظفر جھگڑا نے دستخط کئے۔ اس سے قبل ہم خیال مسلم لیگ کے بیس رکنی وفد نے میاں نوازشریف سے رائے ونڈ میں ملاقات کی۔ وفد میں حامد ناصر چٹھہ، ہمایوں اختر خان، سلیم سیف اللہ ، سابق وزیرخاوجہ گوہر ایوب خان، اورہارون اختر بھی شامل تھے۔ رائے ونڈ آمد پر وزیراعلیٰ پنجاب شہبازشریف نے ہم خیال مسلم لیگ کے قائدین کا استقبال کیا۔ن لیگ کی جانب سے مذاکرات میں شہبازشریف، چوہدری نثار، اسحاق ڈار، خواجہ آصف ، اقبال ظفر جھگڑا ، سینیٹر پرویز اشرف، پیر صابر شاہ، سردار مہتاب عباسی اور ذوالفقار کھوسہ موجود رہے۔