شامی فوج شہریوں پر حملے کرکے وحشیانہ فعل کی مرتکب ہورہی ہے، امریکا
واشنگٹن……امریکا نے شام کی فوج کو شدید تنقید کا نشانہ بناتے ہوئے اس کے حملوں میں عام شہری ہلاکتوں کو وحشیانہ اور قابل مذمت قرار دیا ہے۔ غیرملکی خبررساں ادارے کے مطابق امریکی محکمہ خارجہ کی ترجمان وکٹوریا نیولینڈنے اپنے ایک بیان میں کہاکہ شام کی سکیورتی فورسز کی جانب سے عام شہریوں کو حملے کا نشانہ بناناانہیں گرفتار کرکے ان پرتشدد کرنا انتہائی وحشیانہ اور قابل مذمت اقدام ہونے کے علاوہ حقوق انسانی کی خلاف ورزی ہے۔انہوں نے کہاکہ شام کے صدر بشار الاسد کو اب یہ اعتراف کرلینا چاہیے کہ وہ خود ہی ملک کے عدم استحکام کا سب سے بڑا سبب ہیں ۔انہوں نے کہاکہ شام کی حکومت کو یہ نہیں بھولنا چاہئے کہ دنیا اس پر نظر رکھے ہوئے ہے اور جو بھی جرائم کے مرتکب ہوں گے انہیں انصاف کے کٹہرے میں لایا جائیگا۔ انہوں نے کہاکہ شام کے صدر بشا رالسد اب اقتدا پر اپنا اثرورسوخ کھوچکے ہیں اور انہیں اب مستعفی ہو جانا چاہیے۔
0 comments:
آپ بھی اپنا تبصرہ تحریر کریں
اہم اطلاع :- غیر متعلق,غیر اخلاقی اور ذاتیات پر مبنی تبصرہ سے پرہیز کیجئے, مصنف ایسا تبصرہ حذف کرنے کا حق رکھتا ہے نیز مصنف کا مبصر کی رائے سے متفق ہونا ضروری نہیں۔اگر آپ کے کمپوٹر میں اردو کی بورڈ انسٹال نہیں ہے تو اردو میں تبصرہ کرنے کے لیے ذیل کے اردو ایڈیٹر میں تبصرہ لکھ کر اسے تبصروں کے خانے میں کاپی پیسٹ کرکے شائع کردیں۔