ایم کیو ایم نے حکومت سندھ میں شمولیت کو حتمی شکل دیدی

ایم کیو ایم نے حکومت سندھ میں شمولیت کو حتمی شکل دیدی

کراچی(سی ایم لنکس) رحمن ملک کا جادو پھر چل گیا، ایم کیو ایم نے حکومت سندھ میں شمولیت کو حتمی شکل دے دی ، بڑے بجٹ والی دو وزارتیں ایم کیو ایم کو دینے کا فیصلہ۔ وزراء آج حلف اٹھائیں گے۔ایم کیو ایم ، پیپلزپارٹی میں رابطہ پل کا ہمیشہ سے کردار ادا کرنے والے رحمن بابا کا جادو ایک مرتبہ پھر چل گیا،، رحمان ملک ملے ایم کیوایم کی اعلی قیادت سے ، آج گورنر سندھ سے بھی ملاقات کی ، پہنچایا آصف زرداری کا پیغام اور کردیئے ایم کیو ایم کے تحفظات دور،رحمن ملک ، گورنر ملاقات میں ایم کیو ایم کی سندھ حکومت میں شمولیت کا فارمولا طے پاگیا ، بڑے بجٹ کی دو وزارتیں ایم کیو ایم کو مل گئیں ، جبکہ وزیر اعلیٰ کے دو مشیر اور ایک معاون خصوصی بھی ایم کیو ایم سے لینے کا فیصلہ کرلیا گیا۔ یوں جب رحمان ملک گورنر ہاوس سے نکلے تو گورنر ہاوس کے ترجمان تقریب حلف برداری کا اعلان کردیا، گویا رحمان بابا کی جادو کی چھڑی نے پھر کام کردکھایا۔