سندھ میں سیلاب متاثرین کی مشکلات میں اضافہ، بچی سمیت 3 افراد جاں بحق
کراچی…سندھ کے سیلاب زدہ علاقوں میں آج بھی لوگوں کی پریشانیاں کم نہ ہوسکی ہیں،بدین میں پاکستان
کارڈ کے حاصل کرنے کے لئے آنے والا شخص دل کا دورہ پڑنے سے جاں بحق،جبکہ 8ماہ کی بچی سمیت دوافراد پیٹ کی بیماری سے ہلاک ہوگئے ہیں۔ بدین کے علاقے گوڑلاچی میں قائم پاکستان کارڈسینٹر میں کارڈ کے حصول کے لئے دو دن سے انتظار کرنے والا شخص دل کا دورہ پڑنے سے جاں بحق ہوگیاجبکہ پنگریو میں 8ماہ کی بچی اورملکانی شریف میں 65 سالہ شخص پیٹ کی بیماری سے ہلاک ہوگئے ہیں۔انتظامیہ کی جانب سے خوراک کی عدم فراہمی کے باعث ضلع بدین شدید غذائی کا قلت کا شکار ہے۔میر پور خاص شہر میں میر کالونی،اختر ٹاوٴن، ذیشان ٹاوٴن سمیت دیگر علاقے اب بھی پانی میں ڈوبے ہیں۔ریلیف کیمپوں میں پناہ لئے ہوئے بارش و سیلاب کے لاتعداد متاثرین مختلف بیماریوں میں مبتلا ہیں۔اسپتالوں اور صحت کے مراکز بھی پانی کھڑا ہے۔سانگھڑ کے بیشتر رہائشی علاقے اور مرکزی شاہراہیں ڈوبی ہوئی ہیں۔دادو میں کاچھو کے سیلاب زدہ علاقے واہی پاندہی میں اضافی بلوں کے خلاف کاشت کاروں نے احتجاجی مظاہرہ کرکے بل نذر آتش کردیئے جبکہ نکاسی آب کا عمل سست روی کاشکار ہے۔ خیرپور گمبٹ کے قریب کھوڑا نہر میں 30فٹ چوڑا شگاف پڑنے سے تین مچھلی فارم سمیت وسیع اراضی پر کھڑی فصیلیں زیر آب آگئیں ہیں۔
0 comments:
آپ بھی اپنا تبصرہ تحریر کریں
اہم اطلاع :- غیر متعلق,غیر اخلاقی اور ذاتیات پر مبنی تبصرہ سے پرہیز کیجئے, مصنف ایسا تبصرہ حذف کرنے کا حق رکھتا ہے نیز مصنف کا مبصر کی رائے سے متفق ہونا ضروری نہیں۔اگر آپ کے کمپوٹر میں اردو کی بورڈ انسٹال نہیں ہے تو اردو میں تبصرہ کرنے کے لیے ذیل کے اردو ایڈیٹر میں تبصرہ لکھ کر اسے تبصروں کے خانے میں کاپی پیسٹ کرکے شائع کردیں۔