Sunday, April 22, 2012

تمام نجی ائیر لائنز کی پروازوں پر پابندی عائد ، نجی ائیر لائنز کے طیاروں کی ازسر نو جانچ پڑتال کا فیصلہ


ا سلا م آبا د(سی ایم لنکس)وزیر دفاع چودہری احمد مختار نے ڈی جی سول ایوی ایشن اتھارٹی کیپٹن ندیم یوسف زئی کو ہدایت کی ہے کہ تمام نجی ائیر لائنز کے طیاروں کی ازسر نو جانچ پڑتال کی جائے اورطیاروں کی مینٹیننس اورا ±ڑان کی اہلیت کی جانچ کی جائے۔ ذرائع کے مطابق نجی ائیر لائن کے بوئنگ 737 طیاروں کو بھی جانچ پڑتال کے لئے گراو ¿ نڈ کرنے کا امکان ہے ،بھوجا طیارہ حادثے کے بعد شاہین ائیر لائن کے پاس 8 سے زائد 737 طیارے آپریٹ کئے جارہے ہیں۔ بوجھا ائیر کے پاس دو 737 جبکہ قومی ائیر لائن کے پاس 6 بوئنگ طیارے 737 آپریشنل ہیں۔ جن میں سے دو گراو ¿نڈ ہیں۔ بوئنگ737 طیارے گراو ¿نڈ ہونے سے فضائی آپریشن متاثر ہونے کا خدشہ ہے یہ اقدام اسلام آباد طیارے حادثے کی وجہ سے کیا جارہا ہے۔دوسری جانب بھوجا ایئرلائن کے طیارے کو پیش آنےو الے حادثے کی وجوہات کا تعین کرنے کیلئے تحقیقات کا آغاز کر دیا گیا۔ دس افراد کی شناخت تاحال نہیں ہوسکی۔ جائے حادثہ کے آس پاس بیماریوں سے بچاو ¿ کے لئے مقامی انتظامیہ نے اسپرے بھی کیا۔ طیارہ حادثے کی انکوائری کیلئے تشکیل دی گئی تحقیقاتی ٹیم نے تیکنیکی بنیادوں پرکام کا آغاز کردیا۔ ٹیم نے گروپ کیپٹن سردار الیاس کی سر براہی میں جائے حادثہ کا دورہ کیا۔ اور ایک سے ڈیڑھ کلو میٹر تک بکھرے جہازکے ملبے کاجائزہ لیا۔اس موقع پر تفتیشی ٹیم کا کہنا تھا ٹیم تیکنیکی بنیادوں پر حادثہ کی تحقیقات کرے گی تاکہ آئندہ اس قسم کے واقعات کی روک تھام کے اقدامات کیے جاسکیں۔ ٹیم کا کہنا تھا اس امر کا بھی جائزہ لیا جائے گا کہ جہاز کی پرواز نیچے اور اس کی آواز اونچی کیوں تھی۔ دوسری طرف ڈسٹرکٹ ہیلتھ آفیسر کے اہلکاروں نے بیماریوں سے بچاو ¿ کے لئے جائے حادثہ کے آس پاس اسپرے بھی کیا۔ اے آر وائی نیوز سے گفتگو میں ایگزیکٹو ڈائریکٹر پمز ڈاکٹر محمود جمال نے بتایا ہے حادثے میں جاں بحق دس افراد کی شناخت ابھی تک نہیں ہوسکی ساٹ تحقیقاتی عمل کئی روز جاری رہنے کا امکان ہے تب تک جہاز کے ملبے کو جائے حادثہ سے نہیں اٹھایا جائے گا۔تمام نجی ائیر لائنز کی پروازوں پر پابندی عائد کر دی گئی۔ وزیر دفاع نے کہا ہے کہ سول ایوی ایشن کے تمام فٹنس ٹیسٹ کے بعد پروازوں کی اجازت دی جائے گی۔ بھوجا ائیرلائن کا لائسنس منسوخ کرنے کا جائزہ لے رہے ہیں۔

0 comments:

آپ بھی اپنا تبصرہ تحریر کریں

اہم اطلاع :- غیر متعلق,غیر اخلاقی اور ذاتیات پر مبنی تبصرہ سے پرہیز کیجئے, مصنف ایسا تبصرہ حذف کرنے کا حق رکھتا ہے نیز مصنف کا مبصر کی رائے سے متفق ہونا ضروری نہیں۔

اگر آپ کے کمپوٹر میں اردو کی بورڈ انسٹال نہیں ہے تو اردو میں تبصرہ کرنے کے لیے ذیل کے اردو ایڈیٹر میں تبصرہ لکھ کر اسے تبصروں کے خانے میں کاپی پیسٹ کرکے شائع کردیں۔


Recent Posts

Blogger Widgets
Advertise Now!